Hay’adda Sirdoonka iyo Nabad-sugida Soomaaliya (NISA) ayaa sheegtay in hoggaamiyaha Al-shabaab uu xilalkii ka qaaday qaar kamid ah madaxda ururkaas.
Bayaan kooban oo NISA soo dhigtay barteeda Twitter-ka ayey ku sheegtay in hoggaamiyaha Al-shabaab Axmed Diiriye uu ka saaray Mahad Karatay iyo Bashir Qorgaab Golaha fulinta Al-shabaab, sidoo kale uu ka qaaday dhammaan xilalkii ay hayeen.
NISA, waxay sheegtay in ay ka dambeysay xilal ka qaadida Mahad Karatay iyo Bashir Qorgaab, markii ay ka dalbadeen hoggaamiyaha Al-shabaab in uu joojiyo qaraxyada Muqdisho.
“Axmed Diiriye, horjoogaha argagixisada Al-shabaab ayaa ka saaray Mahad Karatay iyo Bashir Qorgaab Golaha fulinta xarakada, kana xayuubiyay dhammaan xilalkii ay ka hayeen xarakada, kadib markii ay ka dalbadeen horjoogaha Al-shabab, joojinta qaraxyada joogtada ah ee lagu beegsado shacabka Muqdisho” ayaa lagu yiri qoraalka NISA.
Ma jiraan ilo madax bannaan oo xaqiijinaya warka hay’adda Sirdoonka iyo Nabad-sugida Soomaaliya.
PUNTLAND POST
You must be logged in to post a comment.