Magaalada Muqdisho waxaa maanta soo gaaray qaar ka mid ah isimada Puntland iyo isimada dowlad deegaanka Soomaalida.
Isimadan oo ka soo kicitimay magaalada Garowe ee xarunta Puntland waxaa garoonka diyaaradaha Aadan Cadde ku soo dhaweeyey Wasiiro iyo xildhibaano ka tirsan dowladda Federaalka, maamulka gobolka Banaadir, odayaal dhaqameed, siyaasiyiin iyo masuuliyiin kale.
Isimada la soo dhaweeyay ayaa mid mid u gacan qaaday madaxdii kala duwaneyd ee garoonka ku soo dhaweysay, iyadoo booqashadaani ay qeyb ka tahay sida la sheegay da’daalada loogu jiro xoojinta nabadeynta Soomaaliya iyo isku soo dhawaanshaha umada Soomaaliyeed.
Guddoomiyaha gobolka Banaadir ahna duqa magaalada Muqdisho Cumar Maxamud Maxamed (Cumar Filish) ayaa sheegay in maamulka gobolka Banaadir iyo bulshada caasimadda ay diyaar u yihiin soo dhaweynta isimada Muqdisho soo gaaray.
Isimadan ayaa safarkoodu daarnaa dhamaystirka heshiis Beelo walaalo ah oo 2 sano ka hor diriri ku dhexmartay deegaanka Dhumay ee Koonfurta gobolka Sool.
PUNTLAND POST
You must be logged in to post a comment.