In ka badan 40 mudane oo ka tirsan xildhibaannada Baarlamanka dowlad goboleedka Hirshabeelle ayaa la sheegay in ay mooshin xilka qaadis ah ka wadaan madaxweynaha maamulkaasi Maxamed Cabdi Waare.
Xildhibaannada ayaa madaxweynaha Hirshabeelle ku eedeeyay qodoba kala duwan oo ay ku jiraan xil-gudasho la’aan iyo in uu ku fashilmay ilaalinta Amniga iyo xasilinta Nabad-gelyada degaannada Hirshabeelle.
Mudanayaasha mooshinka diyaariyay ayaa laga soo xigtay in ay qorshaynayaan sidii ay mooshinkaasi u horgeyn lahaayeen Guddoonka Baarlamanka dowlad goboleedka Hirshabeelle.
Xubno ka tirsan Baarlamanka Hirshabeelle ayaa horay sidaan oo kale mooshin uga diyaariyay madaxweyne Maxamed Cabdi Waare inkastoo markii dambe ay sheegeen in ay ka noqdeen mooshinka kadib wada-hadal lala furay.
PUNTLAND POST