![](https://i0.wp.com/puntlandpost.net/wp-content/uploads/2019/07/Xuska_01-da_Luuliyo_Xamar-5.jpg?resize=815%2C504&ssl=1)
Muqdisho (PP) ─ Madaxweynaha Somalia, Maxamed C/llaahi Farmaajo oo kaga qayb-galay Garoonka Kubadda Cagta ee Banaadir Munaasabadda Xuska 1-da Luuliyo ayaa shacabka ku adkeeyey in ay ka shaqeeyaan midnimada iyo dowladnimada.
Madaxweynaha ayaa xusay dadaalkii jiilkii xorriyadda iyo dowlad dhiska Soomaaliya, kuwaas oo inooga tagay dhaxal muhiim ah oo aynu mar labaad ka unki karno qaran magac iyo miisaan ku dhex leh caalamka.
“Waxaan leennahay sumcad taariikhi ah oo caalamku ay nagu tixgeliyaan, maantana waan awoodi karnaa in aan taas dib u soo celinno, hadii aan ka shaqeyno midnimada iyo xoojinta waddaniyaddeenna.”
Sidoo kale, Intii ay munaasabaddu socotay waxaa gaardis ku maray cutubyo ka tirsan Ciidamada Qalabka sida oo uu Madaxweynuhu ka qaatay salaan sharaf, halka ay goobjoog ahaayeen kumannaan shacab ah oo isugu soo baxay xuska maalintan.
Waxaa iyaguna madasha socod ku maray shaqaalaha Dowladda iyo ururrada Bulshada Rayidka ah oo sitay boorar ay ku xardhan yihiin halku-dhigyo ay ku xoojinayaan midnimada iyo dowlad wanaagga.
Dhanka kale, Madaxweyne Maxamed Cabdullaahi Farmaajo oo maamuusaya halyeeyada Soomaaliyeed ee wiilasha iyo gabdhaha lahaa ee naftooda u huray xornimada iyo midnimada dalka ayaa subaxnimadii hore ubax dhigay Tallaada Daljirka Dahsoon.
Ugu dambeyn, Dabaal-daggan ayaa wuxuu kusoo beegmayaa iyadoo dalka ay ka jiraan muranno dhanka siyaasadda ah, kuwaasoo u dhexeeya qaar ka mid ah maamul-goboleedyada dalka ka jira iyo Dowladda Federaalka.
![](https://i0.wp.com/puntlandpost.net/wp-content/uploads/2019/07/Xuska_01-da_Luuliyo_Xamar-10.jpg?resize=815%2C544&ssl=1)
![](https://i0.wp.com/puntlandpost.net/wp-content/uploads/2019/07/Xuska_01-da_Luuliyo_Xamar-9.jpg?resize=815%2C551&ssl=1)
![](https://i0.wp.com/puntlandpost.net/wp-content/uploads/2019/07/Xuska_01-da_Luuliyo_Xamar-8.jpg?resize=815%2C587&ssl=1)
![](https://i0.wp.com/puntlandpost.net/wp-content/uploads/2019/07/Xuska_01-da_Luuliyo_Xamar-7.jpg?resize=815%2C544&ssl=1)
![](https://i0.wp.com/puntlandpost.net/wp-content/uploads/2019/07/Xuska_01-da_Luuliyo_Xamar-6.jpg?resize=815%2C558&ssl=1)
![](https://i0.wp.com/puntlandpost.net/wp-content/uploads/2019/07/Xuska_01-da_Luuliyo_Xamar-4.jpg?resize=815%2C544&ssl=1)
![](https://i0.wp.com/puntlandpost.net/wp-content/uploads/2019/07/Xuska_01-da_Luuliyo_Xamar-3.jpg?resize=815%2C544&ssl=1)
![](https://i0.wp.com/puntlandpost.net/wp-content/uploads/2019/07/Xuska_01-da_Luuliyo_Xamar-2.jpg?resize=815%2C544&ssl=1)
![](https://i0.wp.com/puntlandpost.net/wp-content/uploads/2019/07/Xuska_01-da_Luuliyo_Xamar-1.jpg?resize=815%2C488&ssl=1)
PUNTLAND POST
You must be logged in to post a comment.