Wasiirkii hore ee Arrimaha Gudaha dowladda Federaalka Soomaaliya, Cabdi Faarax Siciid(Juxaa) oo maanta soo gaaray magaalada Garoowe ee caasumadda Puntland ayaa ka hadlay arrimo dhowr ah.
Mudane. Juxaa ayaa ugu horrayn dadweynaha reer Puntland ugu baaqay in ay ilaashadan amniga,wadajirka iyo isku duubnidooda,isagoo xasusiyay dhibaatada umadda reer Puntland soo martay ka hor intaan dhidibada loo taagin dowladda Puntland oo uu ku tilmaamay”geed la harsado oo caleen leh oo lagu nastay laguna baraaray”.
Sidoo kale wuxuu sheegay in dadkii as-aasay dowladda Puntland ee ka koobnaa hoggaanka dhaqan iyo kan siyaasadeed ay horseedeen iftiin qurux badan oo u soo baxay dadweynah reer Puntland iyo guud ahaan umadda Soomaaliyeed.
Siyaasi Juxaa ayaa dhinaca kale soo dhoweeyay hadalkii madaxweyne Gaas ee ahaa in doorashada madaxtinimada Puntland lagu qaban doono xilligeeda.
Halkaan ka daawo muuqaalka oo dhammaystiran.
PUNTLAND POST