Wararka naga soo gaaraya Deegaanka Gamboole oo dhaca duleedka Degmada Jowhar ee xarunta Gobolka Sh/Dhexe ayaa sheegaya in ciidamada dowlada ay halkaasi ay la wareegeen.
Ciidamada sida gaarka ah u tababaran ee loogu talagalay in Al-Shabaab ay ka saaraan gobolada dalka ayaa saaka aroorinimadii la wareegay deegaankaasi.
Al-Shabaab ayaa isaga deegaankaasi kadib markii ciidamadaan dowlada oo aad u hubeeysan ay ka soo amba baxeen magaalada Jowhar oo hadda xarun u ah Hir Shabelle.
Dadka deegaankaasi ayaa sheegay in ciidamo ay afka u duubanyihiin oo katirsan kuwa dowlada ay deegaankaasi la wareegeen.
Warar ay heshay Puntland Post ayaa sheegaya in Al-Shabaab ay maanta deegaankaasi kula balansanaayeen ganacsatada Sh/Dhexe inkastoo ciidamada dowlada ay la wareegeen.
Al-Shabaab ayaa gacanta ku haya deegaano iyo degmooyin hoostaga Gobolka Sh/Dhexe waxaana xusid mudan in ciidamada dowalda ay wadaan qorshayaal Al-Shabaab ay uga saarayaan Gobolada Dalka Soomaaliya.
Xasan Maxamed Samatar Cowke
Puntland Post Muqdisho