Dikreeto kasoo baxday Xafiiska Madaxweynaha Dawladda Puntland Dr. Cabdiweli Maxamed Cali Gaas, Xeer Lr-105 October 03 2017,ayaa lagu magacaabay Agaasimeyaasha guud ee Wasaaradaha Arrimaha Gudaha,Dawladdaha Hoose iyo Horumarinta Reer Miyiga iyo Wasaaradda Shaqada,Shaqaalaha Dhalinyarada iyo Ciyaaraha.
Madaxweynaha Dawladda Puntland:
Markuu arkay:- Dastuurka Dawladda Puntland
Markuu arkay:- Aqoontooda,Kartidooda iyo Waayo’aragnimadooda shaqo.
Wuxuu Xeeriyey:
- Waxaa Maxamed Cali Nuur (Juba) loo magcaabay Agaasimaha Guud ee Wasaaradda Arrimaha Gudaha Dawladdaha Hoose iyo Horumarinta Reer Miyiga.
- Waxaa Cabdicasiis Nuur Cilmi Koor loo magacaabay Agaasimaha guud Shaqada iyo Shaqaalaha ee Wasaaradda Shaqada,Shaqaalaha Dhalinyarada iyo Ciyaaraha.
Xeerkani wuxuu dhaqangelayaa markuu Madaxweynuhu Saxeexo, wuuna saxeexay Madaxweynuhu.