Garowe(Puntland post) Soo dhawaynta taliyaha ciidanka difaaca Puntland Gen.Siciid Maxamed Xirsi (Sicidi Dheere) waxaa ka qayb galay mamulka Gobalka Nugaal, mamulka degmada,saraakiisha ciidanka iyo dadwayne ku labisan calanka Puntland.
Taliyaha oo la hadlay dadkii soo dhawayntiisa ka qayb galay ayaa marka hore u mahad celiay, wuxuu sheegay inuu hadda ka yimi dhanka GARACAD halkasoo ahayd meeshii ugu danbaysay ee Al-Shabab laga sifeeyay, Gen.Siciid dheere ayaa shacabka ugu baaqay inuu hadda bilow yahay dagaalka Al-Shabab sidaasi darteedna loo diyaar garoobo.
Gudoomiyaha Gobalka Nugaal Cumar Farawayne oo qayb ka ahaa soo dhawaynta Taliyaha ayaa sheegay shacabka iyo mamulkuba inuu u diyaarsan yahay sidii ammaanka looga wada shaqayn lahaa.
Howlgalkii DANAB ee uu hoggaaminayay Gen.Siciid Dheere ayaa guul kusoo dhammaaday, waxaana ka mahad celiyay beesha caalamka iyo dowladda Federaalka Soomaaliya.
PUNTLAND POST