GAROWE(Puntland Post) Waxaa magalada Garowe xarunta Puntland lagu qabtay shir muhiim ah oo looga hadlayay sidii dib u eegis loogu samayn lahaa siyasada dhalinyarada Puntland, shirkan waxaa soo qaban qaabiyay Dallada dhalinyarada Gobalka Nugaal ee Mudan oo kaashanaysa Hay’adda Mercycorps.
Waxaa lagu marti qaaday shirkan dhalinyaro boqol gaaraysa oo ka kala yimi gobaladda Puntland si ay uga tashadaan is- badalka oo lagu sameeyo siyaasada dhalinyaradda maadama qaar ka mid ah qodoabda siyasada dhalinyarada puntland lagu guulaysan waayay in la fuliyo.
Wasiirka shaqada, shaqaalaha iyo dhalinyarada Puntland mudane Cabdiraxmaan Axmed ayaa shirkan ka sheegay inay muhiim tahay dhalinyaradu inay dib ugu laabtaan siyaasadooda ayna qeexaan arrimaha muhiimada koowaad leh si howlaha horyaala ay ugu qabsoomaan, waxa kale us oo dhaweeyay isi imaanshahooda oo uu sheegay inay wax badan ka badali karto.
Hogaamiyaasha dhalinyaradda gobalada Puntland oo shirka ka hadlay ayaa muujiyay inay jirto in dhalinyarada dowrkoodii hoos loo dhigay maadama ay ku dulman yihiin sida ay sheegeen qorshaha siyaasadeed ee shanta sono soo socota, waxayna sheegeen kulankooda inay sidoo kale uga wada hadlayan sidii looga hortagi lahaa tahriibta oo weli dhalinyaro badani kusii jeedan.
Gudoomiyaha Dallada guud ee dhalinyaradda Puntland PYAN Aweys Axmed ayaa mahad celiyay soo qaban qaabiyaasha kulankan oo ah dallada MUDAN iyo Mercycorp, wuxuu sheegay inay muhiim tahay dhalinyarado inay mar kasta ka tashadaan danahooda iyo sidi ay guulo wax ku ool ah uga gaari lahaayeen mustaqbalka waddanka, waxa kale uu sheegay Aweys inay ka go’an tahay sidii loogu qareemi lahaa dhalinyaradda aqoon yahanka ah.
PUNTLAND POST