Maxaa Lagu soo Kordhiyay Garoonka Diyaaradaha Magaalada Boosaaso?.

Boosaaso (Puntland Post) Xili guud ahaan Gobolada Puntland si gaar ah Magaalda Boosaaso ee xarunta Gobalka Bari siwayn looga dareemay qabanqaabada Munaasabada lagu Daahfurayo Garoonka Boosaaso oo todobaadkana lafilaayo in dhacdo taasi oo ay ka qaybgalaayaan madaxda ugu saraysa puntland, madax ka socoto dowlada fadaraalka Soomaali iyo wafuud ka socoto wadamada xiriirka la leh soomaliya ayaa hada wali waxaa garoonka boosaaso shaqo badan kuwaasi oo uu ka dheehan karo qof kasto oo booqda garoonka Boosaaso

Intii aan ku jirnay booqashada kooban oo aan maanta ee ku tagnay Garoonka diyaaradaha Boosaaso waxaan ku aragnay wadooyin cusub oo laami ah kuwas oo lagu kordhiyay maalmihii aynu ka soo gudubnay, waxaana ay wadooyinkaasi ka caawin doonaan isku xirka dadka ka dhoofaya garoonka iyo kuwa ka soo degaya iyo weliba goobta nasashada.

Sido kale waxaa gabagabo maraya Casriyayn iyo Dib-u-habayn lagu waday Terminalka garoonka Boosaaso,kaasi oo la dhamaynayo ka hor maalinta furitaanka

Hoos ka daawo Sawiro aan idinka Sooqaadnay Garoonka Boosaaso