Muqdisho (PP)-Ciimada hawlgalka midowga Afrika ee Amisom ayaa maanta lagu weeraray qarax miino oo loo geliyay waddada dacalkeeda.
Kolonyo gaadiidka AMISOM ah oo marayay jidka wershadaha gaar ahaa inta u dhaxaysa Ceymiska iyo cuspitalka Carrafaat ee degmada Yaaqshid ayaa la sheegayaa inay kaga gubatay Booyad nooca shidaalka ah.
Ciidankan oo saad u siday xerada Maslax oo ku taalla duleedka Waqooyi ee gobolka Banaadir ayaa la sheegayaa iney waxyeello intaa ka badan ka soo gaadhay qaraxa askartii la socotay gaadiidka.
Lama oga inta uu la egyahay qasaaraha soo gaaray gaadiidka AMISOM,maaddaama ay tacshiirad huwiyeen dadkii goobta ku sugnaa oo kala firxaday.
Puntlandpost.com