Beledweyne (PP) — Dagaal xooggan ayaa lagu soo warramayaa inuu mar kale dib uga billowday galbeedka magaalada B/weyne xilli la sugayay in manta la kala qaado malleeshiyaadka is hor fadhiya maalintii afraad.
Dhaqdhaqaaqa guud ee galbeedka magaalada ayaa istaagay, waxana ay goob joogayaal halkaas ku sugani soo sheegayaan in ay jiraan gurmadyo soo kala gaaraya garabyada is haya.
Guddida dhexdhexaadinaya labada dhinac oo isugu jira mas’uuliyiin, duubabka dhaqanka, siyaasiyiin iyo AMISOM ayaa lagu wadaa in ay xoog ku kala dhex galaan xabbadda haatan ka socota daanta galbeed ee magaalada Beledweyne.
Warka ayaa intaas ku daraya in uu jiro qasaare nafeed balse lama sheegin inta uu la’eg yahay maaddaama ay xaaladdu iminka kacsan tahay.
You must be logged in to post a comment.