B/weyne-(PP)-Ugu yaraan 12 qof ayaa ku geeriyootay dagaal xooggan oo maanta ka dhacay tuulada Baar mandheera oo qiyaastii dhowr iyo labaatan KM dhanka galbeed kaga beegan magaalada B/weyne ee gobolka Hiiraan.
Dagaalka oo u dhexeeyay ciidamada dowladda Soomaaliya oo ay kaabayaan kuwa AMISOM iyo ururka Al-shabaab ayaa ahaa mid culus oo socday muddo ka badan saacad,iyadoo halkaasi ay la wareegeen ciidamada is garabsanaya.
Iska hor imaadka ayaa dhacay markii ay cutubyo ka tirsan Alshabaab dhexda u galeen sahay loo waday ciidanka dowladda Soomaaliya ee degaanka Ceel Cali,waxayna saraakiisha midowga Afrika sheegeen ineyan wax qasaaro ah soo gaarin balse ay dhinaca kale aad u naafeeyeen.
Ururka Al-shabaab ayaa luminayay muddooyinkii u dambeeyay dhul badan oo ay kaga sugnaayeen gobolka Hiiraan,iyagoo dhanka kalena go’doomiyay degaanno badan oo looga itaal roonaaday.
Sooyaal;PP