Waxaa maanta oo khamiis ah lagu wadaa in markale xildhibaanada Baarlamaanka Soomaaliya ay dhageystaan khudbadaha musharixiinta u taagan qabashada xilka Gudoomiyaha Baarlamaanka Soomaaliya.
Musharixiintaan oo tiradooda ay tahay 11 musharax ayaa ah Xildhibaano katirsan Baarlamaanka Soomaaliya.
Shalay waxaa Xildhibaanadu ay dhageysteen khudbada 6 musharax waxaana maanta ay dhageysanayaan khudbadaha 5-ta musharax ee soo hartay.
Maanta ayaana qorshuhu yahay in la soo gabagabeeyo dhageysiga khudbadaha musharixiinta u taagan qabashada xilka gudoomiyaha Baarlamaanka Soomaaliya.
Hooska ka Akhriso Xildhibaanada khudbadaha Jeedinayo Maanta.
1- Xildhibaan Shariif Sheekhunaa Maye
2- Xildhibaan Maxamed Sh. C/raxmaan Mursal
3- Xildhibaan Shariif Maxamed Cabdalla
4- Xildhibaan Maxamud Macalin Yaxye
5-Xildhibaan Iimaan C/laahi Nuur
30-ka Bishaan oo ku beegan maalinta Isniinta ah ee soo socoto ayaa lagu wadaa in ay dhacdo doorashada Gudoomiyaha Baarlamaanka Soomaaliya.
Xasan Maxamed Samatar Cowke
Puntland Post Muqdisho