Hay’adda u dooda Xuquuqda Adaanaha ee Human Rights Watch waxay soo saartay Warbixin dheer oo ay kaga hadashay tacadiga Qaxootiga iyo Magangelyo-dioonka loogu geysto dalkaasi, waxaana si gaar ah loo xusay in Ciiddanka Yemen ee ay Dowladda Imaaraadka tababartay xadgudub baahsan u geystaan Qaxootiga ku nool magaalladda Cadan.
Human Rights Watch (HRW) oo Xarunteeda Dhexe ku taallo magaalladda Washington ee dalka Maraykanka waxay kaloo sheegtay inay Dowladda Yemen diidan tahay inay muhiimad siiyaan Qaxootiga magangelyo-doonka ah, isla markaana ay si khaasab ah uga masaafuriyaan Dekedda Cadaan.
Qaar ka mid ah Qaxootiga ku xirnaa Yeman ayaa u sheegay Hay’adda Human Rights Watch inay Ilaaladda Yemeniyiinta jir-dil iyo Kufsi u geystaan Qaxootiga, kuna hanjabaan inay dili doonaan ama masaafurin doonaan.
Agaasimaha Xuquuada Qaxootiga ee Human Rights Watch, Bill Frelick ayaa sheegay in Ilaaladda Xarunta Qaxootiga lagu hayo ee magaalladda Cadan inay jir-dilaan ragga, kuna xad-gudbaan Haweenka iyo Wiilasha, waa sida uu haadalka u dhigay.
Waxa uu intaasi ku daray in Boqolaal Qaxooti la masaafuriyey, iyagoo la saaray doonyo aad loo buux dhaafiyey.
Dhinaca kale,Warbixinta Human Right Waech waxaa kaloo lagu sheegay in xarunta lagu fara-xumeeyo Qaxootiga oo ku taallo Deegaanadda ay Dowladda Yemen ka taliso, inkastoo ay Ciiddamo ay tababareen Imaaraadka Carabta gacanta ku hayaan Xaruntaasi.
Warbixinta waxaa lagu muujiyey inay Dowladda Yemen iyo Ciiddanka Imaaraadka ka gaabsadeen inay ka hadlaan Tacadiyadda Qaxootigaas loogu geysto Xarunta Qaxootiga lagu hayo ee magaalladda Cadan.
PUNTLAND POST