Militariga Maraykanka ayaa mar labaad maanta shaaciyay in ay duqeyn cirka ah ku dileen xubno ka tirsan Xagjiriinta Al-shabaab ee Soomaaliya.
Qoraal ka soo baxay Taliska Ciidanka Maraykanka ee Afrika ayaa lagu sheegay in duqeynta oo Arbacadii lagu qaaday meel u dhow degmada Jamaame ee gobolka Jubbada Hoose lagu dilay 4 ka tirsan Al-shabaab.
Taliska ayaa sheegay in aanay jirin dad rayid ah oo duqeyntaasi khasaare ka soo gaaray,waxaana weerarku noqonayaa kii shanaad ee militariga Maraykanku sannadkaan ku qaaday mintidiinta Al-shabaab ee Soomaaliya.
PUNTLAND POST