Hay’adda shaqaalaha rayidka ah ee dawladda Puntland ayaa maanta qaadday imtixaanka boosas shaqo oo cusub kuswaas oo ka bannaan qaybo kamid ah Wasaaradaha iyo hay’adaha dawladda eek a faaiidaysanaya Mashruuca Tayaynat hay’addaha dawladda ee CIP ee uu Baanka adduunku ka caawiyo dawladda Puntland.
Boosaskaan ayaa waxaa kamid ahaa:
- M&E Sectoral Head Section
- M&E National Development Plan
- Fisheries Monitoring, Monitoring, Control and Surveillance
- Live Stock Production
- Disease Control and Surveillance
- Laboratory and Quality Head Section
- Research and Statistics Head Section
Tartamayaasha ayaa isugu jirey dhallinyaro Jaamacadaha dalka iyo kuwa dibadda kasoo qalinjebiyey kuwaas isugu jira kuwa soo shaqeeyey oo haysta khibrad iyo waayo-aragnimo ku filan iyo kuwo aan weli shaqo bilaabin.
Shaqaalaha ayaa marka uu dhammaado hannaanka kala duwan ee imtixaanka qaybtooda guuleysata waxay ka hawl-geli doonaan Wasaaradaha Beeraha, Kalluumaysiga, Xannaanada Xoolaha iyo Qorshaynta waxaana laga rajeynayaa in isbeddel mugleh laga dareemo xarumaha dawladda.
Barnaamijkaan ayaa ku qotoma ballanqaadkii Madaxweynaha ee ah tayaynta iyo dib u habaynta shaqaalaha dawladda waxaana uu noqday mid si weyn looga dareemay guud ahaan Puntland muddadi afarta sanno ahayd ee ay shaqaynaysey xukuumadda hoggaamiyey Madaxweyne Dr Cabdiweli Maxamed Cali Gaas.
