Weriye ku dhaawacmay Qaraxii Baladweyne oo ku geeryooday Muqisho

Allaha unaxariista waxaa xalay saqdii dhexe ku geeryooday Isbitaalka Erdogan Ex Digfeer ee magaalada Muqdisho weriye Cabdullaahi Cismaan Macalin oo ka howlgali jiray TV-ga Jubbaland xaruntiisa Baladweyne.

Weriyaha ayaa ku dhaawacmay Qarax 10-kii bishan ka dhacay magaalada Baladweyne ee xarunta gobolka Hiiraan, waxaana loo soo qaaday magaalada Muqdisho kadib markii wax looga qaban waayey isbitaalada Baladweyne.

Ehelada Marxuumka dhintay ayaa warbaahinta u xaqiijiyey geeridiisa , waxayna intaa ku dareen in maanta lagu wado in lagu aaso Muqdisho.

Maqaayad ku dhow xarunta gobolka Hiiraan oo 10-kii bishan la qarxiyey waxaa ku dhintay 2 ruux halka dad gaaraya 8 qof ay ku dhaawacmeen.

Maamulka gobolka Hiiraan ayaa masuuliyadda qaraxaas ku eedeyey Al-shabaab, magaalada Baladweyne waxaa todobaadyadii laso dhaafay kusoo badanayey Qaraxyada.

PUNTLAND POST