Waxaa goordhow dib usoo laabtay adeegii internet-ka Koonfurta iyo bartamaha dhulka Soomaaliya oo maqnaa muddo ku dhow 30 cisho.
24-Kii June ayuu marqura la waayay internet-ka Koonfurta iyo Bartamaha Soomaaliya, kadib markii ay go’day fiilo Fiber Optic ah.
Wasaarada Boostada iyo Isgaarsiinta Xukuumada Soomaaliya ayaa goordhow ku dhawaaqday in la xaliyay ciladii Internetka oo muddo 3 bari ah shaqo ay ku socotay.
Waxaa hadda dib u soo laabtay adeegyadii ku xirnaa Internet-ka, sida shirkadaha xawaaladaha , kuwo Duulimaadyada iyo Shirkadaha Ganacsiga.
Dhibaato dhaqaale oo aad u baahsan ayaa ka dhalatay markii internet-ka uu ka tagay koonfurta iyo Bartmaha dhulka Soomaaliya.
Xasan Maxamed Samatar Cowke
Puntland Post Muqdisho