Xildhibaanada Baarlamaanka dowlad Goboleedka Jubaland o maanta kulan ku yeeshay magaalada Kismaayo ee Caasimadda KMG ah ee Maamulkaas ayaa xubinimada kala laabtay labo xubnood oo ka tirsanaa Baarlamanka.
Kulan aan caadi ahayn oo ay maanta yeesheen Baarlamaanka Dowlad Goboleedka Jubaland ayaa manta waxaa shir Gudoominayey Gudoomiyaha Baarlaaanka Sh Cabdi Maxamed Cabdiraxman iyada oo ay soo xaadirtay 41 mudane waxaana ugu horayn Guddiga Anshaxa baarlamanka ay soo bandhigeen waxyaabaha ay u cuskadeen xubnaha kala ah 1-Xildhibaan cabdiqadir Ibraahim Cali iyo 2-Maxamed Cali yusuf kuwaasi oo ay Gudiga Anshaxa ku eedeeyeen in ay jabiyeen dastuurka dawlad goboledka Jubaland
Xildhibaanada Baarlamanka Maamulka Jubba-land Waxay soo jeediyeen ayna ku raacaan gudoonka iyo xubanaha baarlamanka soo jeedintooda waxaana halkaasi ay ka aqriyeen qoraal dheer oo laga soo diyaariyey labada xubnood ee maanta lagala laabtay xubinmadii baarlamaanka Jubaland.
Waxaa xusid mudan in labadaan xubnood ay dhowaan Muqdisho kaga dhawaaqeen in ay mucaarad ku yihiin Madaxweynaha Jubbaland Axmed Madoobe eedeeymo badana u jeediyay.
Hoos ka Daawo Sawiro.
Xasan Maxamed Samatar Cowke
Puntland Post