Godobjiraan (Puntland Post):- Gudoomiyaha Degmada Godobjiraan ee Gobolka Nugaal Yuusuf Maxamed Faarax ayaa ka farxiyay in ka badan 100 caruur agoon ah iyo barakacayaal ku nool halkaas ka dib markii uu u bilaabay qeybinta dhar ay ku labistaan .
Dharka uu u qeybiyay maamulka Degmada Godobjiraan Caruurta Agoonta iyo Barakacayaasha halkaas ku nool ayaa isugu jiray funaanado,saraawiil iyo suuman.
Yuusuf Maxamed Faarax Gudoomiyaha Degmada Godobjiraan ayaa ka codsaday Dowlada Puntland, Hay,addaha,Jaaliyadaha iyo Ganacsatada inay gacan kazoo geystaan caawinta agoonta iyo caruurta ay dhaleen dadka barakacayaasha ah.
Sidoo kale wuxuu ku baaqay Gudoomiye Yuusuf in gacan laga siiyo sidii goobo waxbarasho loogu heli lahaa caruurta ku nool deegaanada hoostaga maamulka degmada.
Abshir Dhiirane
PUNTLAND POST