Madaxweynaha Dawladda Puntland oo shir la qaatay Qurbe joogta Puntland

Madaxweynaha dawladda Puntland Dr. Cabdiweli Maxamed Cali Gaas oo uu weheliyo Madaxweyne ku-xigeenka Eng. Cabdixakiim Cabdullaahi Xaaji Cumar Camey ayaa caawa 29 July, 2016 Hotelka Jubba ee magaalada Garoowe shir kula qaatay Qurbe joogta Puntland.

Sidoo kale Shirka waxaa kasoo qayb galay Marwada Madaxweynaha Dr’s Hodon Siciid Ciise, Agaasimaha hay’adda Qurbe joogta Puntland Cumar Shir, Afhayeenka Qurbe joogta Cabdirazaaq Gosol, xubno ka mid ah wakiillada Puntland u fadhiya qaybo ka mid ah waddamada caalamka, saraakiil ka tirsan Madaxtooyada dawladda Puntland iyo Qurbe joog tiro badan oo ka kala timi daafaha caalamka.

Ujeedka shirka ayaa la xiriirey sidii ay u kala war qaadan lahaayeen Qurbe joogta Puntland iyo dawladdu isla markaana ay talooyinkooda la xiriira is kaashiga horumarka dalka ugu soo gudbin lahaayeen dawladda.

Madaxweynaha dawladda Puntland oo shirka hadal ka jeediyey ayaa Qurbe joogta ku ammaanay doorkooda horumarineed ee ay dalka ka geystaan isla markaana waxa uu tilmaamay in looga baahan yahay  in ay ka qayb qaataan horumarinta kaabayaasha dhaqaalaha ee dalka.

Madaxweynaha ayaa ku boorriyey qurbe joogta Puntland in ay maal-gashadaan dalka oo ka qayb qaataan kobcinta dhaqaalaha dalka, isla markaana ay waddanka kusoo kordhiyaan warshado wax soo saar si kor loogu qaado ganacsiga dalka.

Ugu dambayn Qurbe joogta ayaa Madaxweynaha weydiiyey su’aalo la xiriira shuruucda iib dhulka, shuruucda baabuurta iyo waddooyinka, Garoomada diyaaradaha, qandaraasyada iyo habka ugu wanaagsan ee ay door ugu yeelan karaan ka qayb qaadashada horumarka dalka, isla markaana Madaxweynaha ayaa uga jawaabey dhammaan weydiimahaasi.

—DHAMMAAD—

XAFIISKA WARFAAFINTA, WACYIGELINTA, HIDDAHA IYO DHAQANKA EE MADAXTOOYADA DAWLADDA PUNTLAND
IMG_1025 IMG_1028 IMG_1038 IMG_1040 IMG_1043 IMG_1044 IMG_1048 IMG_1050 IMG_1051 IMG_1053 IMG_1055 IMG_1057 IMG_1059 IMG_1063 IMG_1064 IMG_1065 IMG_1067 IMG_1068 IMG_1069 IMG_1073 IMG_1075 IMG_1077 IMG_1081 IMG_1082 IMG_1090 IMG_1091 IMG_1100 IMG_1102 IMG_1104 IMG_1108 IMG_1110 IMG_1112 IMG_1114 IMG_1121 IMG_1126 IMG_1132 IMG_1139 IMG_1141 IMG_1142 IMG_1146 IMG_1154 IMG_1159 IMG_1161 IMG_1163 IMG_1164 IMG_1166 IMG_1171 IMG_1172 IMG_1174 IMG_1188 IMG_1217 IMG_1218 IMG_1220 IMG_1223