Garowe-(Puntland Post) Waxaa Goordhaw Magaalooyinka Puntland ka bilowday Dabaaldagyo waa weyn, ka dib markii xulka kuba cagta Puntland uu ku guulaystay koobka Dowlad Goboleedada Soomaaliya.
Dabaaldaga ugu weyn ayaa ka socda Caasumada Dowladda Puntland ee Garowe, boqolaal shacab ah iyo gaadiid ayaa buux dhaafiyay Barxada weyn ee Garowe.
Waxaa sidoo kale Gobolada iyo Deeganada kale ee Puntland ka dhacaya dabaaldagyo lagu soo dhaweenayo guusha uu gaadhay xulka kubada cagta Puntland.
Magaalooyinka Dabaaldagyadu ka socdaan ayaa waxaa ka mid ah Garowe, Burtinle,Galkacyo, Qardho, Carmo, Bosaso, Baran, dhahar, Buuhoodle iyo magaalooyin kale oo fara badan oo Puntland ah.
PUNTLAND POST