Madaxweynaha Dawladda Puntland oo kormeero ku tegey xarunta dawladda hoose ee Minneapolis iyo xarumo kale

Madaxweynaha Dawladda Puntland Dr.Cabdiweli Maxamed Cali Gaas oo safar shaqo ku jooga waddanka maraykanka ayaa kormeero ku sameeyey qaybo kamid ah xarumaha dawliga ah iyo  kuwa  ganacsiga ee soomaalidu kuleedahay magaalada Minneapolis e gobolka Minnesota  ee woqooyiga waddanka Maraykanka.

Goobaha uu madaxweynuhu kormeerkiisa ku tegey waxaa ka mid ahaa xarunta Dawladda Hoose ee magaalada Minneapolis halkaas oo kula kulmay Cabdi Warsame oo kamid ah masuuliyiinta sarsare ee  ee dawladda hoose ee magaalada Minniapolis, waxana ay ka wada hadleen barnaamijkii Mataanaynta Minneapolis iyo Boosaaso iyo qorshayaal horumarineed oo laga fulin doono magaalada Boosaaso ee Xarunta ganacsiga Puntland.

Sidoo kale goobaha kale uu booqashada ku tegey Madaxweynaha Dawladda Puntland ayaa waxa ka mid ahaa Xarunta Caafimaadka ee Afqarshe(Afqarshe Medical Clinic) oo ah xarun caafimaad oo uu leeyahay muwaadin reer Puntland ah kana mid ah xarumaha caafimaad ee ugu muhimsan magaalada Minneapolis.

Madaxweynaha Dawladda Puntland ayaa  kubooriyey Dr.Maxamuud Daahir Afqarshe oo ah Mulkiilaha Xaruntaasi caafimaad in uu ka qayb qaato wax kaqabashada baahiyaha caafimaad ee dalka ka jira iyo dar-dargelinta iyo tayaynta caafimaad ee ay dawladdu ka waddo Puntland.

Dr.Maxamuud Afqarshe oo hadda kahor booqasho ku yimi Puntland isla markaana ay dawladdu guddoonsiisey dhul uu ka hirgeliyey xarumo daryeel caafimaad ayaa Madaxweynaha u sheegay in uu dhowaan tegi doono Puntland isla markaana uu kaqayb qaadan doono dedaallada ay dawladdu ugu jirto tayaynta caafimaadka Puntland.

 

—DHAMMAAD—

XAFIISKA WARFAAFINTA, WACYIGELINTA, HIDDAHA IYO DHAQANKA EE MADAXTOOYADA DAWLADDA PUNTLAND.

received_1161891380495269 received_1161891393828601 received_1161891420495265 received_1161891430495264 received_1161891593828581 received_1161892020495205 received_1161892073828533 received_1161892110495196 received_1161892167161857 received_1161892177161856 received_1161892240495183 received_1161892283828512 received_1161892297161844 received_1161892317161842 received_1161892330495174 received_1161892343828506 received_1161892370495170 received_1161892387161835 received_1161892393828501 received_1161892420495165