Bosaso(pp) Wariyaasha gobalka Bari gaar ahaan Bosaso ayaa xalay kulan sagootin ah u sameeyay Cabdinaasir X.Axmed Xuseen (Daacad) oo ka tirsan warbaahinta SBC Bosaso.
Kulankan lagu sagootinayo ayaa ahaa ciyaar kubadda cagta ah oo garoonka Cabdilaahi Shiikh ku dhexmaray,waxana kasoo qayb wariyaal isagu jira ragg iyo dumar iyo dhalinyaro kale oo ka mid ah taageerayaasha Daacad.
Ciyaarta oo ahayd mid xiiso leh ayaa waxaa ugu danbeyntii guusha ku raaxday 7 iyo 4 kooxdii ku ciyaareysan maaliyadda naadiga reer Speyn ee Real Madirid.
Gaba-gabadii kulankan ayaa waxaa ka hadlay wariyashii kasoo qayb galay, agaasimaha warbaahina SBC Maxamed Deeq Cabdalle ayaa sheegay inuu ku faraxsan yahay munaasibaddan lagu sii sagootinayo Cabdinaasir Daacad, waxa kale uu tilmaamay inay tahay wax lagu farxo in ay isku duuban yihiin wariyaasha Gobalka Bari.
Madaxa Puntland Tv Gobalka Bari Cumar Siciid Maxamed ayaa ku tilmamay Daacad inuu ka mid ahaa wariyaasha sida gaarka ah isigu xil-qaamay soo tabinta dhacdooyinka ka jira Bosaso ayna xasuusan doonaan muddada uu maqan yahay.
Cismaan Turaabi, Yuusuf Maxamuud (Garaad) Cabdiqani Cabdilaahi iyo Faadumo Siciid Taxadar oo ka mid ah wariyaashii munasibadda ka hadlay ayaa sheegay inay tahay mid lagu farxo munaasibada loo sameeyay Cabdinaasir Daacad oo ka mid ah wariyaasha Puntland.
Cabdinaasir Daacad ayaa go’aan saday inuu waxbarashadiisa Jaamacadeed kusii wato dalka dibadiisa isagoona dhankiisa balan qaaday inuusan mar qura ka daali doonin u shaqaynta shacabka Soomaaliyeed.
Dhanka kale kulankan ayaa lagus oo dhawaynayay wariye Cali Cabdi Ducale oo ka mid ah wariyaasha sida aadka ah uga warama arrimaha shacabka kana yimi magalada Garowe, waxayna sheegeen Cali Ducale inuu ka mid yahay wariyaasha lagu tilmaami karo inuu dowr muuqda ka qaato garab istaaga dadka tabaalaysan.
You must be logged in to post a comment.